Rokit Bay

Анх 2007 онд “Асуулт” форумд “Nevalast” нэрээр хип хоп хөгжимд дурлагч залуусын дунд танигдаж эхэлсэн бөгөөд удалгүй RokitBay нэрээр уран бүтээлээ туурвисан. Америкт суралцаж байх үед найзууд нь Bay гэж дууддаг байснаас үүдэж нэрээ ийнхүү өөрчилжээ. Түүний нэр гурван өөр утгыг агуулдаг бөгөөд Rock it Bay, Rocket Bay (Пуужин Баяраа), Raw kit Bay зэрэг утгатай. Тэрээр хөгжмийн урлагт уран бүтээл гаргахаас гадна дэлгэцийн урлагт нь ч хэд хэдэн уран бүтээлд оролцож, хамтран бүтээлцсэн. Тухайлбал, 2009 онд “Маргаашгүй”, үүний дараагаар “Big Fish”, “Алтан ус”, “Эцсийн зогсоол Е цэг”, “Зоорь” зэрэг уран сайхны кинонд дүр бүтээсэн. Түүний “Пуучин Баяраа” анхны цомогт багтсан “Нэг өдрийн хаан” дуу гарсан даруйдаа телевиз, ФМ-н чартуудыг хагас жил тэргүүлсэн. Мөн 2013 онд гаргасан “Эвдэрхий хүн” дуу нь хамгийн богино хугацаанд YouTube-д 1 сая үзэлттэй болсон уран бүтээл юм. Түүнчлэн Дэлхийн хэмжээний “Авьяаслаг Монголчууд” шоу Монголд зохион байгуулагдаж эхэлсэн цагаас Rokitbay шүүгчээр ажилласан. Уран бүтээлүүддээ гаргадаг хурц тод илэрхийлэл нь шоуны шүүгч хийх явцад ч илэрдэг бөгөөд шударга шүүмжлэл, урам зориг өгөх хүчтэй магтаалууд нь шоунд оролцогчид, үзэгч олныг ч татаж чаддаг. • Пуужин Баяраа (2011) • Эвдэрхий хүмүүс (2013) • Хариуцлага (2016)