Tsetse

2004 онд 16 настайдаа Vanquish хамтлагийг байгуулж, Excel хэмээх анхны уран бүтээлээ олны хүртээл болгосон нь тухайн үед нэлээдгүй шуугиан тарьж байсан. Удалгүй 2006 онд АНУ-д суралцахаар болж, тэнд амьдарч байх үедээ гэрийнхээ ханын шүүгээнд мини студи байгуулан өөрийн уран бүтээлээ үргэлжлүүлэн гаргаж байжээ. 2013 онд найзтайгаа хамтарч “S.M.O.K” чөлөөт хувцасны брэндээ гаргаж байсан бол 2019 онд өөрийн “SOYO” брэндийг танилцуулсан билээ. Тэрээр урлагийн салбарт гагцхүү реппер байгаад зогсолгүй дэлгэцийн уран бүтээлд ч дүрээ мөнхөлж амжсан бөгөөд “Хоёр гүүрний цаана” МУСК-нд гол дүр, “Гацуурхан” УСК-нд туслах дүрийг тус тус бүтээсэн. Уран бүтээл хийж, шинэ залуу үеэ дэмжих мэддэг чаддаг бүхнээ хуваалцах “Fabonacci Music” студиэ байгуулж, үүний зэрэгцээ залуу үедээ монгол брэндээр гоёх чин хүслээ гүйцэлдүүлэх хувцасны брэндийг үүсгэсэн гээд дурдаад байвал Цэцэ маш олон салбарт хүч сорьж, хүсэл мөрөөдлөө биелүүлэхийн төлөө шаргуу хөдөлмөрлөдөг уран бүтээлч. Эдгээгээр ч үл барам түүний бас нэгэн нууц авьяас нь амтат Япон хоолны тогооч. Америкт сурч байх үеэсээ Япон хоолны ресторанд ажиллаж, хоол хийх чадвараа ахиулж ирсэн түүний хувьд гэр бүл найз нөхдөө өөрийн амтат хоолоор дайлах дуртай. Ийнхүү тэрээр бас нэгэн мөрөөдөл рүүгээ хүрэх гүүрийг амжилттай барьж, 2021 онд “Chakarra Japannese Steakhouse”-тай хувь нийлүүлэн хамтран ажиллаж, амтат хоолоороо найз нөхөд, үзэгч сонсогчдоо гайхшируулж байна. • 220 (2008) • Халзан толгой хоёр соёо (2009) • 2012 (2009) • Нийслэл хүү (2010)