Уран бүтээлч

DerBi

Цомог 0 / Сингл 12

Тэрээр анх Дэлхийн хэмжээний “The Voice" шоуны Blind-Audition шатанд Nicki-Minaj-ийн "Chun-Li" дууг дуулж 4 шүүгчийг эргүүлэн үзэгч залуусын дунд танигдсан ба удалгүй DerBi нэрээр Rap&Hip Hop урсгалаар уран бүтээлээ туурвиж эхэлжээ. Түүний нэрний тухайд Аавынх нь Дармаабазар гэх нэр, Drum тоглодог түүний мэргэжил, мөн Doctor гэх үгний товчлол “Dr” ба өөрийн нэр Бямбасүрэн, найзуудынхаа дууддаг Бямбака гэдэг дууддагаас үүдэн “B” гэж нэгтгэн Rapper DerBi /Derbie хэмээн дуудах ба Barbie гэдэг үгтэй ч ойролцоо дуудагдана/ хэмээн уран бүтээлчийн нэрээ бүтээжээ. Rapper Dr.B ЦЕГ-ын Сүлд чуулгад Цохивор хөгжимчин ба Цагдаагийн дэд ахлагч цолтой. Мөн морин хуур тоглож, Хөөмий урлаг болон DJ хөгжим сонирхдог. Түүний The Voice шоуны Blind Audintion-ы үзүүлбэр Дэлхийн орон орны шоуны 7 хоногийн шилдэг үзүүлбэрээр шалгарч байсан ба Youtube сувагт 1,1 сая үзэлттэй. Монгол дахь шоуны анхны Knock-Out шат хүртэл явсан эмэгтэй реппер юм. Түүний алсын зорилго нь Монгол Реп&Хип Хоп урсгалыг дэлхийд таниулах, хөрвөх чадвартай уран бүтээлч байхыг зорьж байгаа залуу үеийн төлөөлөл юм.