Татар

Багын найзууд Д.Батзаяа (Заяа), Ч.Жаргалсайхан (Жагаа), Д.Мөнхчулуун (Мөөгий) нар анх 1999 онд хамтлагаа байгуулж, анхны уран бүтээлүүдээ дуу бичлэгийн студид бичүүлж байв. Улмаар 2003 оны 7-р сарын 5-нд “Сонор Рекордс”-той гэрээ байгуулснаар ТАТАР хамтлаг албан ёсоор үүсэн байгуулагдсан юм. Тэд дэлхийн хэмжээний хөгжмийн компани Sony Music-тэй гэрээ байгуулж, уран бүтээлээ олон улсын зах зээл дээр албан ёсоор худалдаалсан Монголын анхны хип хоп хамтлаг юм. Эл гэрээний хүрээнд “Татар”, “Ain’t no stoppin” цомгоо Японы төдийгүй цаашлаад дэлхийн зах зээл дээр гаргаж, Япон улсын 5 хотод 9 удаагийн тоглолтыг амжилттай зохион байгуулсан. Мөн 2006 онд “Аз жаргал The bad boy” бүрэн хэмжээний уран сайхны киногоо бүтээсэн. • Татар (2004.01) • Second album (2004.12) • Ганцаараа (2005.12) • Эрх чөлөө (2008) • Нөлөөллөөс дээгүүрт (2013)