Ч.Бат-Эрдэнэ

СУИС-ийн Дуулаачийн ангийг 2002 онд төгссөн тэрээр 2010 онд Удирдлагын Академид Магистр, 2013 онд Бүгд Найрамдах Ирланд Улсад Соёл Урлагийн салбарын манлайлал чиглэлээр суралцаж, 2021 онд Монгол Улсын Эрдмийн Их сургуульд суралцан “Соёл урлагийн байгууллагын шинэчлэлийн судалгаа” сэдвээр докторын зэрэг тус тус хамгаалсан. Тэрээр анхны бие даасан тоглолтоо 2003 онд “Хонхны нулимс” дуугаараа нэрийдэж зохион байгуулж байсан бол хамгийн сүүлд 2022 онд буюу мэргэжлийн сургууль төгссөнийхөө 20 жилийн ойн дээр “Best Hits” тоглолтоо зохион байгуулсан юм. Тэрээр дуу уран бүтээл хийхийн сацуу урлагийн байгууллага болон төрийн байгууллагад албан тушаал хашиж, Монголын урлаг соёлын хөгжилд хувь нэмрээ оруулсаар ирсэн. Дурдвал: 2006-2009 онд Нийтийн Дуучдын Нэгдсэн Холбооны тэргүүн 2009-2010 онд Яруу найраг, хөгжмийн зохиолч, дуучдын эрхийг хамгаалах Монгол Үндэсний Нийгэмлэгийн Ерөнхийлөгч 2014 онд Соёлын Дээд Сургуулийн захирал 2014-2017 онд СУИС-ийн Дэд захирал 2017 – 2019 онд СУИС-ийн Бүжгийн Урлагийн Сургуулийн захирал 2019-2022 онд Нийслэлийн Соёл, Урлагийн газрын дарга Цомог: • Хонхны нулимс • Хайрын хишиг • Цагаан сүүний ургамал • Говь-Алтай аймгийн 60 жилийн ойд зориулав