Mrs M

Тэрээр 2008 онд амьд хөгжмийн “Unicorn” хамтлагт бөмбөрчин, металл рок урсгалын “Аяараас чанга” хамтлагт гитар тоглож дуу хөгжимтэй анх холбогдсон. 2014 онд “Sing Like a Pro” төсөлд амжилттай оролцож, реппер Lil Thug E-тэй хамтран “Цор ганц” анхны синглээ гаргаснаар олонд танигдаж эхэлсэн билээ. Ийнхүү SLAP-тай үргэлжлүүлэн уран бүтээлээ туурвиж, 2016 онд 13 дуунаас бүрдсэн “Gentleman” анхны цомгоо гаргасан. 2018 онд Америкийн “B2 Talent Asia” компанитай менежментийн гэрээ байгуулж, “B2 Music” label-д харьяалагдан англи хэл дээр уран бүтээлээ туурвиж олон улсын хөгжмийн зах зээл дэх гараагаа эхлүүлсэн юм. Түүний продюсероор Silver Strike ажиллаж, тус label-тэй хамтран ажилласан анхны уран бүтээл “Tasty” синглээ 2019 оны 5-р сарын 16-нд олонд түгээсэн. “Tasty” сингл гарсан даруйдаа дэлхийн алдартай цахим сэтгүүлүүдийн овоо хараанд орж, онцлох уран бүтээлээр нэрлэгдэж, Vibe Magazine болон В2 Music-н хамтарсан “Urban Asia Vol.2” цомогт багтсан юм. • Gentleman (2016)