Цомог

Mother Tongue (ft Zolzaya Batsukh)

Tsendsuren · 7 дуу

ҮУИТеатрын концертмейстер, гоцлол хөгжимчин Э.Цэндсүрэн, төгөлдөр хуурч Б.Золзаяа нарын “Эх хэл” цомог нь тэдний анхны студио цомог билээ. Тус цомог нь Н.Жанцанноров, Ц.Нацагдорж, Х.Билэгжаргал нарын хуучирт зориулсан том хэлбэрийн бүтээлүүдээс бүрдсэн бөгөөд цомгийн бичлэг 2022 оны 11-р сард хийгдэж, 2023 оны 2-р сараас Apple Music, Spotify тэргүүт дэлхийн 7 цахим дэлгүүрээр худалдаалагдаж сонсогчдын хүртээл болсон билээ. Энэхүү цомогт багтсан бүтээлүүд нь он цагийн хувьд Х.Билэгжаргалын “Сонат” (1988) Н.Жанцанноровын “Сонат” (1991), “Эргэцүүлэл” (1992), Ц.Нацагдоржийн “Концерт” (2000) зэрэг XX зууны сүүлээс XI зууныг шүргэж, Монголын хуучрын урлагийг нэг биш нэжгээд шат ахиулсан, хуучирт зориулсан анхны том хэлбэрийн бүтээлүүд юм. Хуучирч Э.Цэндсүрэн нь эдгээр бүтээлүүдийг хөгжимдөхдөө хуучир хөгжимд өнөө цагт ашиглаж буй техникүүд, тухайлбал зүүн гарын эрхий хуруугаар давхар өнгө тоглох, флажолет, баруун гарын пиццикато зэрэг шинэлэг техникүүдээр баяжуулж хөгжимдснөөс гадна Х.Билэгжаргалын “Сонат”-ыг хөгжимдөхдөө уг зохиолын анх бичигдсэн дэвсгэр хөг дээр хөгжим урлаач П.Байгалжавын хийсэн ясан бортоготой хуучраар хөгжимдсөн нь тус цомгийн бас нэгэн онцлох бүтээл болсон байна. Эдгээр бүтээлүүдээс Монголын хуучрын хөгжимдлөг, хөг хөглөгөөний онцлог, техник ур чадварын түвшинг тольдохын зэрэгцээ хуучир болон хуучир төст хөгжмийн зэмсгүүдтэй бусад улс, үндэстнүүдээс онцгой ялгарах Үндэсний гэх онцлогийг нэвт шингээжээ. Уг цомог нь Монголын хөгжмийн зохиолчдын хуучирт зориулсан том хэлбэрийн бүтээлүүдээр дагнасан анхны хөгжмийн цомог билээ