Цомог

Percussion Ensemble of the Mongolian Conservatory

Percussion Ensemble of the Mongolian Conservatory · 10 дуу

Монгол улсын Консерваторийн “Цохивор хөгжмийн чуулга” нь МУГБ, дэд проф. Б.Зоригтын санаачлагаар 1980-аад оны сүүлд байгуулагдсан нэгэн сургалтын хөтөлбөр билээ. Анхлан тэд гадаад хөгжмийн зохиолчдын бүтээлээс сонгож хөгжимддөг байсан бол яваандаа монголын хөгжмийн зохиолчдын ажлуудаас түлхүү найруулах болж, улмаар 2008 оноос “Найруулга” нэрэн дор жил бүр тоглолт толилуулах болсон билээ. Тус чуулгын одоогийн бүрэлдэхүүн 7-оос 12-р ангийн нийт 16 сурагчдаас бүрдэнэ. Өдгөө тэдний бүтээлийн санд монгол гадаадын холимог 100 гаруй найруулга зохиол бий бөгөөд эдгээрийг мэргэжлийн студэд бичиж монгол төдийгүй гадаадын сонсогчдод хүргэх ажилдаа шуудраад буй. Sharav & Jantsannorov цомог нь Монгол улсын Төрийн хошой шагналт, Ардын жүжигчин, Хөдөлмөрийн баатар хөгжмийн зохиолч Н.Жанцанноровын Монгол улсын Морин хуурын чуулга, симфони найрал хөгжимд зориулсан таван бүтээл, Төрийн шагналт, УГЗ, Хөдөлмөрийн баатар, Чингис хаан одонт хөгжмийн зохиолч Б.Шаравын дан хөгжим, төгөлдөр хуур, симфони найрал хөгжимд зориулсан таван бүтээлээс бүрдэнэ. Монгол үндэстэнд түгэн тархсан эдгээр 10 бүтээлийг сонгодог цохивор хөгжмийн чуулгад найруулж хөгжимдөж буй нь нэгэн шинэ интерпретаци болж буйн зэрэгцээ орчин цагийн монголын хөгжмийн зохиолчдын бүтээлүүдийг улам дэлгэрүүлэн таниулах гол зорилготой юм.